DFI: Rā Tuatahi
Kei whea mai te akoranga o te rā nei! Nei rā te mihi ki a koutou o Manaiakalani ōtirā ki a koe Makaore, he tino kaitautoko koe, ahakoa taku rangirua rānei! Kua whai hoa hou - e mihi ana ki taku rōpū mirumiru!
Me mōhio tātou ka tika ki te whakapapa o te rōpū nei - Manaiakalani me mihi hoki ki a rātou kua takahia te ara hei hīkoinga mā tātou ngā kaiako me ngā tamariki mokopuna tae atu rā ki ngā whānau me te hāpori. E tika ana te kōrero, ka tutuki mā te upoko pakaru. Nō reira, ki a rātou kua whakapau werawera kia tū pakari ai tēnei kaupapa, e mihi nei.
He maha ngā akoranga hou:
Kei wareware tēnei ka rarangihia ngā mea matua kua akona.
Mō ngā docs. - me whakaako ki ngā tamariki, i ōna tikanga kia pai ai te noho o te tuhinga i te doc hou. Paste no format! Anō rā, kaua rawa e tāraro i ngā tuhinga i tēnei ao ipurangi.
He mōhiotanga nōku nō Word i whakawhitia ki ngā mea o Kūkara, arā ko ngā tapanga, ngā pane, engari he mea hou tōna hono tōtika ki te ipurangi kia mōhio nō hea te tuhinga, te pikitia rānei.
Kātahi te mahi o te taputapu hōpara nei! Kua wareware katoa au ki tēnei taputapu - he pai kia tutaki anō! Te pai hoki o te whakauru ihirangi kia tere tau ai ki te wāhi e hiahia ana i te tuhinga.
Auē mō te reo, kāore anō kia taea te hopu reo hei tuhinga, heoi anō, ā tōna wā. Ka whaiwhai haere tonu tātou i te reo Pākehā. E tika ana te kōrero a te kaiwhakahaere, he mea mīharo mō ngā tama.
Ka pīrangi au ki te mōhio me pēhea te whakarite i ngā "templates for writing" me tōna ihirangi, hei wāhi tuhi mō te akomanga katoa mō te roanga o tētahi wāhanga.
Ko ngā akoranga katoa, ka whakamahia, ka whakamātauria ki rō akomanga.
He mea rawe hoki taua taupānga hei tango i te āhua kei muri i te tangata, i tētahi mea rānei, kia pai ai te noho o te pikitia ki runga i te doc. He mea mīharo ki ahau te whakamahi i te whakaahua kei raro nei kia pēnei tōna pai! Mā tēnei e whakamahi au te nuinga o aku pānui - he mea māmā te hanga.
Kupu hou:
Ripa = tab
Pātaka kūkara = google drive
Takatā =
Pānuku =
Kapomata = screen shot
E te whaea, tēnā koe,
ReplyDeleteNei rā hoki ngā mihi nui whakaharahara ki a koe. Me mihi hoki au ki ō whakaaro kua tukua ki te ao rangitaki nei, ā, kei reira koe. Te papai hoki o te pānui i whakaritea e koe ki te taupānga o Tuhinga Kūkara, te whakaahua, ngā tae, he rawe katoa ngā āhuatanga o te mahi. Hei tērā wiki.
Me ngā mihi nui
Nā Makaore